Македонски центар за европско образование

Македонскиот центар за европско образование издаде нов policy brief насловен „Следејќи го лидерот: Петар Пан или реалност“ (Following the leader: Rhyme or reality). Овој документ се фокусира на започнувањето на преговори за членство на Република Македонија во Европската унија и потенцијално стратешко партнерство меѓу Република Македонија и Кралството Шпанија во пресрет на шпанското претседателство и европските интеграции на нашата држава. Исто така, горди сме што Кралскиот институт „Елкано“ (Real Instituto Elcano) го издаде овој документ. Документот можете да го најдете тука.

Во принцип, правото на ЕУ ги штити потрошувачите од какви било деловни практики кои не се фер. Најчестите се дури и имплицитно забранети и се ставени на црната листа на ЕУ. Тука спаѓаат, на пример, притисокот од страна на продавачите да купите одреден производ; агресивното и ненајавено продавање производи на врата; рекламите и писмата кои ветуваат лажни награди; креирањето импресија за бесплатни понуди; лажната употреба на ограничени понуди, намерното рекламирање дека одредена понуда важи само ограничен временски период; користењето марки и печати за квалитет без нивно одобрување и сертификација; тврдењето дека нешто е понуда на потрошувачот, а всушност е право коешто му е законски гарантирано и сл.

За да се заштитат потрошувачите, на ниво на Унијата се унифицирани минималните рокови под гаранција на производите. Како резултат на ова, сите потрошувачи, без оглед на тоа од која држава-членка ги имаат купено производите, имаат право на минимум 2-годишна гаранција на производите. Доколку дојде до каков било дефект или пропуст на производот во првите 6 месеци, тој мора да биде заменет на трошок на продавачот, односно се претпоставува дека секој дефект во овој период е знак за фабричка грешка. Од друга страна, во период до 2 години дефектот или пропустот ќе биде заменет само доколку потрошувачот покаже дека производот се користел на соодветен начин, односно дека дефектот не настанал по вина на потрошувачот.

Европската унија ги зближува своите граѓани! Можеби не се чуствуваме како европејци кога сме дома, во своите држави, што од една страна е добро. Сите сме државјани на својата држава и горди сме на тоа. Но, од друга страна, чуствуваме дека припаѓаме на едно големо семејство, Европската унија, кое ни помага и не поддржува секогаш кога ни треба.
Никогаш не било толку едноставно да се биде европеец и да се живее во Европа како што е тога сега. Државјаните на некои од државите, како Словенија на пример, сé уште мора да чекаат на работни или дозволи за престој за да живеат во другите држави-членки. Можеби од постарите држави-членки на нас гледаат со недоверба, но како што паѓаат границите, така паѓаат и границите во човечките умови.
Дали можете да замислите животот да биде толку едноставен и да можете да патувате низ Европа само со евра во џебот? Уживате на плажите на Шпанија или Грција. Потем одите на скијање во Австрија или Италија. Продолжувате со шетање по улиците на Парис, или одите да гледате како танцуваат липицанерите во Липица и сé што ви треба е една единствена валута. Со само неколку евра ќе добиете шоља кафе, или некаков сок во било кое од овие места. Европа никогаш досега не била поблиска!
Да се биде член на Европската унија е можност и процес од кој неможе да се побегне. Глобализацијата носи свои предизвици, а посилна Европа е одговорот.

Марко Грден (Marko Grden), 38, проект менаџер, Љубљана, Словенија, Пошта на Словенија д.о.о. од 1996

Сите производители во ЕУ се должни на нивните производи да ги наведат состојките. Сите изјави и искази направени за одреден производ мора да бидат вистинити, а доколку не се, тогаш одговорноста паѓа на продавачот. Ова, исто така, се однесува на описи или понуди кои се даваат во реклами, промотивни материјали или вербални или пишани изјави на продавачот. Затоа, во ЕУ не може да има промотивни материјали кои се „вадат“ на печатни грешки. Овие правила важат и за промотивните кампањи.